a cute kitten

Kanat yolları

İstirahət vaxtınızın pik anlarını bizim yüksəkliklərimizdə keçirin.

Maraqlı tədbirlərlə hər kəsin zövqünü oxşayan mərkəzimizdə qonaqların ən sevimli əyləncə fəaliyyətlərindən biri olan “Kanat yolları (Ski Lift)” sizi Şahdağın hələ görmədiyiniz ecazkar təbiətinə doğru aparır. Yüksəkliyə qalxdıqca qarşınızda görünən dağ mənzərəsi və açıq səma sanki təbii bir portreti əvəz edir. Kanat gəzintisi zamanı Şahdağın valehedici gözəlliyinə, qarlı dağların yaratdığı baxımlı mənzərəyə daha da yaxınlaşacaqsınız. Yaşayacağınız adrenalin sizi qorxutmayacaq, əksinə, sizə sərbəstlik və zövq verəcək. Bu yollar həyəcanlı, lakin təhlükəsiz və əyləncəlidir.

Mərkəzimizdə 5 müxtəlif növdə toplam 15 ədəd lift vardır. Qonaqlarımız “Mono-gondola”, “Carpet”, “Detachable”, “Non-detachable” və “Bugel” kimi növlərdən istifadə edə bilərlər. Bu liftlər quruluşuna və oturacaq sayına görə fərqlənsə də, təhlükəsizlik, rahatlıq onların ümumi cəhətidir.

Şahdağın möhtəşəm mənzərəli yüksəkliklərini kanatdan seyd edərkən yaddaşdan silə bilməyəcəyiniz yüksək səviyyəli istirahət yaşayacaqsınız.  

Qiymət

Piyadalar üçün bilet (yetkinlər üçün) - Lift 2 ( Həftə içi ) - 10 AZN

Piyadalar üçün bilet (uşaqlar üçün) - Lift 2 ( Həftə içi ) - 7 AZN

Piyadalar üçün bilet (yetkinlər üçün) - Lift 2 ( Həftə sonu və Bayram günləri ) - 15 AZN

Piyadalar üçün bilet (uşaqlar üçün) -Lift 2 ( Həftə sonu və Bayram günləri ) - 10 AZN

Piyadalar üçün bilet ( 6 yaş və aşağı) - Ödənişsiz

Piyadalar üçün bilet (70 yaşdan yuxarı - şəxsiyyət vəsiqəsi təqdim edilməklə) - Ödənişsiz

Piyadalar üçün bilet (fiziki məhdudiyyətli - vəsiqə təqdim edilməklə) - Ödənişsiz

Piyadalar üçün bilet (veteran - vəsiqə təqdim edilməklə) - Ödənişsiz

İş saatları: 09:30 - 17:30

Bu necə hissdir?