Hotellər
"Şahdağ Hotel və Spa" zərif lüksun və qonaqpərvərliyin ən yaxşı standartlarını özündə cəmləşdirir. Şahdağın ətəyində yerləşən, müasir interyer, geniş və zərif otaqlar, yüksək səviyyəli rahatlıq vəd edən hotel istirahətiniz üçün ideal yerdir. Möhtəşəm mənzərəli hoteldə üst kateqoriyalı 173 qonaq otağı mövcuddur: Superior, Junior Suite, Suite və Presidential Suite. Sevdiklərinizlə bir araya toplaşıb unudulmaz günlər keçirmək istəyirsizsə, "Şahdağ Hotel və Spa" məhz sizi arzularınıza çatdıracaq bir məkandır.
“Zirvə” hoteli biznes və istirahət məqsədi ilə səyahət edənlər üçün yüksək standartlar təklif edir.
Bizim komfortlu otaqlarımız son dərəcə dəqiqliklə düşünülmüş əlavə xidmətlərlə, o cümlədən istifadəsi rahat texnologiyalar ilə təchiz edilib. “Zirvə” hoteli xizək tətilinizi rahat qış möcüzələri diyarına çevirmək üçün lazım olan hər şeyə malikdir. Əmin ola bilərsiniz ki, göstərdiyimiz yüksək xidmət sizin rahatlığınızı tam təmin edəcək. Şahdağın ətəyində yerləşən" Zirvə" hotel 40 standart və 3 lüks otaqdan ibarətdir. Hotel personalımız sizin istrahətinizin komfortlu, xoş və yadda qalan olmasını təşkil edəcək.
"Gaya Residences Shahdag" Qafqaz dağlarında yerləşən ilk ailə apartamentidir. Məxsusi olaraq ailələr üçün nəzərdə tutulan və rahatlığı ilə könül oxşayan apartamentdə 18 otaq mövcuddur. Özünüzü evinizdən çıxıb gəldiyiniz yerdə evinizdəki kimi hiss etməyiniz üçün bütün lazımı şərait yaradılıb. Hotelimiz sizlərə əvəzsiz mənzərədə unudulmaz bir istirahət fürsəti verərək, keyfiyyətli xizək imkanları ilə de gözəl anlar yaşatacaq.
“Pik Palace” Şahdağ Hotel Bakıdan 200 kilometr şimalda, “Şahdağ” Turizm Mərkəzində yerləşən dəbdəbəli məkandır.
Əzəmətli dağların arasında yerləşən “Pik Palace” Şahdağ Hotel heyranedici mənzərəli 167 geniş yataq otağı və lüks nömrələr təklif edir.Otaqlarda böyük ölçülü çarpayılar, rahat istirahət və iş sahələri, yerdən tavana qədər olan böyük pəncərələr və fransız eyvanları kimi özəlliklər vardır.
Dağlıq ərazidə gündəlik qayğılardan uzaqlaşmağınız üçün ideal məkan
Hotel sadəlik və eleqantlığı, zərifliyi və incə dizaynı, həmçinin xidmət və keyfiyyəti ilə bütün gözləntiləri üstələyir. 164 geniş yataq otağı, dağlara açılan gözəl mənzərəli lüks otaqları ilə “Park Chalet” Şahdağ Hoteli mükəmməl mühiti ilə seçilir. “Park Chalet” Şahdağ Hoteli tam təchizatlı fitnes və spa mərkəzi ilə qonaqların daim formada qalmağını təmin edir. Hotel otaqlarında ənənəvi əşyalar sırasına xüsusi dizayn edilmiş xalçalar, əhənglə yuyulmuş palıd lövhələr və geniş həcmli iş masası daxildir. Standart otaqlar 300 incə sapdan toxunan döşək ağları ilə örtülmüş geniş və ikili çarpayılardan ibarətdir. Geniş mərmər hamam otaqlarına duş kabin və vanna, digər əlavə hamam ərazisi və hamam ləvazimatları daxildir. Bütün otaqlar ən müasir avadanlıqlarla təchiz olunmuşdur.
